Liviana Cunego
Le mame / i è fate così: / el bocòn più bon / le te le tien par ti.
E quando ghe resta / in scarsela / un qualche sesìn, / le te compra /
par le feste / un novo vestitin, / magari con le greste /
Le mame / le te mete in testa / ‘na capola de gala / come ‘na man / a protession / de la giornada. /
Le mame / le ga sempre / ‘na sorpresa / ‘ne la sporta: / ‘na pùeta, /
un confeto, / un capelin de paia / par dileto. /
Le mame… / le mame i è / un s-ciafon, / quando el ocor! / E ,dopo, ‘na caressa / parchè le gà el magon. /
Le mame / le ga le rughe, / le ga le mane ruvide… / le ga ‘na belessa /
che no’ vien mai vecia… /
Le mame / le sconde / le lagrime / in scarsela / e le le tira fora / diventà caramela.🌹
Lascia un commento